Saan ang Lokasyon ng Itinalaga sa Aking Lugar ng Botohan para sa Nobyembre 3?

Kasalukuyang Itinalagang Lugar ng Botohan

Sa pagitan ng Marso 2020 at ng Nobyembre 2020 na eleksyon, nilipat ng Departamento ng mga Eleksyon ang lokasyon ng humigit-kumulang sa 150 lugar ng botohan upang mapanatili ang sapat na espasyo sa pagboto at mapangalagaan ang pampublikong kalusugan. Mangyaring i-check ang impormasyon ukol sa kasalukuyang nakatalaga sa inyong lugar ng botohan sa likod na pabalat ng pamplet na ito:

Mga Huling Pagbabago ng Lugar ng Botohan

Kung nilipat ang inyong lugar ng botohan matapos maimprenta ang pamplet na ito, papadalhan kayo ng Departamento ng mga Eleksyon ng Abiso para sa Pagbabago ng Lugar ng Botohan. Dagdag pa rito, ang mga karatulang Pagbabago ng Lugar ng Botohan ay ipapaskil sa mga nilipat nang mga dating lugar ng botohan sa San Francisco sa Araw ng Eleksyon, Nobyembre 3.