I-check ang inyong mailbox para sa inyong pakete ng balotang vote-by-mail.
Awtomatikong magpapadala ang Departamento ng mga Eleksyon ng balota sa koreo sa lahat ng lokal na rehistradong botante sa Agosto. Makaboboto sa pamamagitan ng koreo ang sinumang botante sa Setyembre 14 na eleksyon.
Ibalik ang inyong balota sa lalong madaling panahon.
Ang mga balotang ibinalik sa pamamagitan ng koreo ay kailangang mai-postmark bago o sa Setyembre 14. Nabayaran na ang selyo ng pambalik na sobre ng inyong balota na nakalakip sa inyong paketeng vote-by-mail.
Ang mga balotang ibinalik nang personal ay kailangang ihatid sa opisyal na estasyon na hulugan ng balota o sa lugar ng botohan hanggang 8 p.m. sa Araw ng Eleksyon, Martes, Setyembre 14.
Subaybayan ang inyong balota.
Bisitahin ang sfelections.org/voterportal para i-check kung ang inyong balota ay natanggap at nabilang. Maaari din kayong mag-sign up para sa mga notipikasyon sa email, text, o voice alert ukol sa pagsubaybay sa balota sa wheresmyballot.sos.ca.gov.
Para sa karagdagang impormasyon, mangyaring tingnan ang loob ng pamplet na ito, makipag-ugnayan sa Departamento ng mga Eleksyon sa (415) 554-4310 o sa sfvote [at] sfgov.org, o bisitahin ang sfelections.org.