Layunin ng Pamplet ng Impormasyon para sa Botante ng San Francisco

Ang Pamplet ng Impormasyon para sa Botante ng San Francisco

Ayon sa batas, kailangang bigyan ng Departamento ng mga Eleksyon ng San Francisco ang bawat botante nitong Voter Information Pamphlet (VIP, o Pamplet ng Impormasyon para sa Botante ng San Francisco) bago ang bawat eleksyon.

Kasama sa VIP sa Filipino ang impormasyon tungkol sa pagboto, mga kandidatong tumatakbo para sa pang-lokal at ilang pang-estado at pampederal na mga katungkulan, at mga lokal na panukalang-batas. 

Upang i-download ang VIP sa Filipino na nasa format na PDF, HTML at XML, pakipuntahan ang sfelection.org/vip [1]. Upang hilingin ang VIP na malaki ang pagkaka-imprenta, pakikontak ang (415) 554-4310.

Ang Gabay na Impormasyon para sa Botante ng California

Binibigay ng Kalihim ng Estado ng California (California Secretary of State) ang Voter Information Guide (VIG, o Gabay na Impormasyon para sa Botante), na may impormasyon tungkol sa mga kandidato sa ilang pang-estado o pampederal na katungkulan at mga pang-estadong panukalang-batas sa balota. Maaari ninyong makuha ang VIG sa sos.ca.gov [2]. 

Kung nais ninyong hindi na makatanggap ng mga papel na gabay sa koreo at sa halip ay matanggap na lamang ang mga ito sa pamamagitan ng email, maaari kayong tumanggi sa mga pagpapadala sa sfelections.org/voterportal [3].

Maaari ninyong dalhin ang pamplet na ito sa inyong botohan. May mga kopya rin ang bawat botohan. Tanungin ang isang manggagawa sa botohan kung nais ninyong makakita ng isa.