Pagtatanggal ng Itinatakdang Pagiging Mamamayan para sa mga Miyembro ng mga Lupon ng Lungsod

Dapat bang amyendahan ng Lungsod ang Tsarter upang matanggal ang itinatakdang pagiging rehistradong botante at mamamayan ng U.S. ng mga tao na naglilingkod sa mga lupon, komisyon, at tagapayong lupon, at patuloy na itakda sa tao na makaabot ng sapat na edad upang makaboto sa mga eleksyon ng Lungsod at maging residente ng San Francisco?

Buod ng Ballot Simplification Committee (Komite para Gawing mas Simple ang Balota)

Kung Ano Ito Ngayon: Kasama sa gobyerno ng Lungsod ang maraming lupon, komisyon, at tagapayong entidad (City Bodies o Mga Entidad ng Lungsod). Sa pangkalahatan, nililikha ang City Bodies sa pamamagitan ng alinman sa dalawang ito: ang Tsarter ng Lungsod (ang Tsarter) o sa pamamagitan ng ordinansa.

Kailangang nakarehistro para sa pagboto ang mga indibidwal na maglilingkod sa City Bodies na nilikha sa pamamagitan ng Tsarter, maliban na lamang kung nagtatakda ng ibang patakaran ang Tsarter.

Kinakailangan ding nakarehistro para sa pagboto ang mga indibidwal na naglilingkod sa City Bodies na nilikha ng ordinansa, maliban na lamang kung:

• Tinanggal na ng Board of Supervisors (Lupon ng mga Superbisor) ang pangangailangan para sa espisipikong City Body na iyon; o

• Iwawaksi ng pampublikong opisyal na gumagawa ng pagtatalaga sa City Body ang itinatakdang pagiging residente ng San Francisco, dahil walang makuha na kuwalipikadong residente ng San Francisco.

Kailangang mamamayan ng U.S. ang lahat ng indibidwal na naglilingkod sa lahat ng City Bodies, nilikha man ito sa pamamagitan ng Tsarter o ng ordinansa.

Ang Mungkahi: Ang Proposisyon C ay pag-amyenda sa Tsarter na magtatanggal sa pangangailangan na dapat rehistradong botante at mamamayan ng U.S. ang indibidwal upang makapaglingkod sa anumang City Body. Patuloy na itatakda ng Proposisyon C na nasa sapat nang edad upang makaboto sa mga eleksyon ng Lungsod at residente ng San Francisco ang mga indibidwal na naglilingkod sa City Bodies, maliban na lamang kung nagtatakda ang Tsarter o ang ordinansa ng ibang patakaran para sa isang partikular na City Body.

Para sa City Bodies na nilikha sa pamamagitan ng ordinansa, patuloy na pahihintulutan ng Proposisyon C ang pagwawaksi sa mga pangangailangang ito kung walang matagpuan na indibidwal na nakatutugon sa mga ito.

Ang Ibig Sabihin ng Botong “OO”: Kapag bumoto kayo ng “oo,” gusto ninyong amyendahan ang Tsarter ng Lungsod upang matanggal ang itinatakdang pagiging rehistradong botante at mamamayan ng U.S. ng mga tao na naglilingkod sa mga lupon ng Lungsod, komisyon, at tagapayong lupon, at patuloy na itakda sa tao na makaabot ng sapat na edad upang makaboto sa mga eleksyon ng Lungsod at maging mga residente ng San Francisco.

Ang Ibig Sabihin ng Botong “HINDI”: Kapag bumoto kayo ng “hindi,” ayaw ninyong magawa ang mga pagbabagong ito.

Pahayag ng Controller (Tagapamahala ng Pinansiya) ukol sa "C"

Naglabas na ang Controller ng Lungsod na si Ben Rosenfield ng sumusunod na pahayag ukol sa epekto sa pinansiya ng Proposisyon C:

Sa aking opinyon, kapag inaprubahan ang mungkahing pag-amyenda ng tsarter ng mga botante, magkakaroon ito ng kaunting epekto sa gastos ng gobyerno.

Pahihintulutan ng pag-amyenda ang mga hindi mamamayan na maglingkod sa mga entidad para sa mga polisiya, tulad ng mga lupon, komisyon, at iba pang tagapayong entidad. Itatakda sa mga miyembro ng mga entidad na ito para sa mga polisiya na maging residente ng San Francisco, at nasa sapat na edad upang makaboto, maliban na lamang sa ilang sitwasyon.

Kung Paano Napunta sa Balota ang "C"

Noong Hunyo 23, 2020, bumoto ang Board of Supervisors ng 11 sa 0 upang mailagay ang Proposisyon C sa balota. Bumoto ang mga Superbisor nang ayon sa sumusunod:

Oo: Fewer, Haney, Mandelman, Mar, Peskin, Preston, Ronen, Safai, Stefani, Walton, Yee.

Hindi: Wala.

Kailangan ng panukalang-batas na ito ng 50%+1 botong oo para maipasa.

Ang pahayag sa itaas ay walang-kinikilingang pagsusuri nitong panukalang-batas. Ang ilan sa mga salitang ginamit sa digest ng balota ay ipinaliliwanag sa Mga salitang kailangang malaman ninyo.

Argumento ng May-Panukala na Pabor sa Proposisyon C

OO sa C: Mga Komisyon na para sa LAHAT!

Ang San Francisco ay tahanan at santuwaryo para sa mga tao na mula sa lahat ng uri ng katayuan sa lipunan. Kailangang masalamin ng mga komisyon ng ating lungsod ang populasyong diverse o may mga pagkakaiba-iba, pero hindi ito nagagawa sa kasalukuyan. Kumakaunti na nang kumakaunti ang mga taong may kulay sa mga lupon at komisyon taon-taon magmula noong 2015, at kulang pa rin sa representasyon ang mga residente ng San Francisco na Asyano at taga-Isla Pasipiko, Latinx, Aprikano Amerikano, Kababaihan, at LGBTQ.

OO sa C: Pagkakalooban ng Mga Komisyon na Para sa LAHAT ang LAHAT ng Taga-San Francisco, ng boses, representasyon, at pantay na karapatan upang maglingkod sa mga lupon at komisyon, anuman ang katayuan bilang migrante.

OO sa C: Palalawakin ng Mga Komisyon na para sa LAHAT ang batas ng San Francisco upang maiayon sa umiiral nang batas ng California, upang mapahintulutan ang LAHAT ng residente, anuman ang katayuan sa imigrasyon, upang maglingkod sa lokal at pang-estadong mga lupon at Komisyon ng California.

Naitataguyod ang ating mga demokratikong pinahahalagahan kapag mayroong pantay at makatarungan o equitable na representasyon sa ating gobyerno. Makatutulong sa mas mahusay na paghahatid ng mga serbisyo ng Lungsod ang pagpapalawak sa kasapian sa mga komisyon at lupon upang makasama ang bawat isa sa mga taga-San Francisco. Makatutulong ang magkakaibang karanasan sa buhay sa paglikha at pagrerepaso ng mga pampublikong polisiya na sumusuporta at nagpoprotekta sa lahat ng tao.

Oo sa C: Ang Mga Komisyon para sa LAHAT ay magkakasamang itinaguyod at isinumite sa balota ng lahat ng miyembro ng Board of Supervisors (Lupon ng mga Superbisor) ng San Francisco.

Pakisamahan kaming LAHAT at bumoto ng OO sa C: Mga Komisyon na para sa LAHAT!

Superbisor Shamann Walton, Awtor

Presidente, Board of Supervisors Norman Yee

Superbisor Sandra Lee Fewer

Superbisor Aaron Peskin

Superbisor Gordon Mar

Superbisor Dean Preston

Superbisor Matt Haney

Superbisor Rafael Mandelman

Superbisor Hillary Ronen

Superbisor Ahsha Safai

San Francisco Democratic Party (Partido Demokratiko)

United Educators of San Francisco (Nagkakaisang mga Edukador sa San Francisco)

Ang mga pangangatwiran ay mga opinyon ng mga may-akda at hindi siniyasat ng anumang opisyal na ahensiya para sa kawastuhan. Nilimbag ang mga pangangatwiran gaya ng sinumite. Hindi winasto ang mga maling spelling o grammar mula sa bersiyong Ingles nito. Isinalin itong teksto sa pinakamalapit na maaari sa orihinal, sa panahon ng pagsasalin.

Sagot sa Argumento ng May-Panukala na Pabor sa Proposisyon C

Walang Isinumiteng Sagot o Argumento ng Katunggali Laban sa Proposisyon C

Argumento ng Katunggali Laban sa Proposisyon C

Walang Isinumiteng Sagot o Argumento ng Katunggali Laban sa Proposisyon C

May Bayad na Argumentong PABOR sa Proposisyon C

May Bayad na Argumento ng May-Panukala na PABOR sa Proposisyon C

Kaiba sa mga Demokrata at Republikano, mahigpit na sinusuportahan ng Libertarian Party (Partido Libertaryo) ang karapatan ng mga tao na malayang pumunta mula sa isang bansa tungo sa isa pa, at makatanggap ng pantay na pagturing ng batas, saan man sila nagmula, at itinuturing man silang “mamamayan” o hindi ng isang bansa.

Ang citizenship o pagiging mamamayan ay isa na namang hindi kinakailangang programa ng Big Government (gobyernong labis na nanghihimasok sa buhay ng mga mamamayan) na nagpapahintulot sa mga may kapangyarihan na pagbuwag-buwagin at kontrolin ang mga tao at humuthot ng pera mula sa kanila.

Itinatakda sa mga non-citizen o hindi mamamayan ng San Francisco na magbayad ng buwis na tulad ng lahat ng iba pang residente. Ang pagpigil sa lubos nilang partisipasyon sa politika ay katulad na rin ng pagbubuwis nang walang representasyon, na isa sa mga tinutulang gawain, kung kaya’t ipinaglaban ang Amerikanong Rebolusyon.

Kung ipagpapalagay na nagmumula lamang ang pagiging lehitimo ng gobyerno sa pahintulot ng mga pinamahahalaan at sa pagpapatibay sa mga karapatang pantao at karapatang sibil nang walang diskriminasyon, hindi dapat pahintulutan ang mga batas ng gobyerno na magsagawa ng diskriminasyon batay sa mga batayang katangiang tulad ng lahi, kasarian, seksuwal na oryentasyon, o pinagmulang bansa.

Umuunlad ang San Francisco nang dahil sa mga kakayahan at perspektiba ng populasyong diverse o may pagkakaiba-iba. Palayain natin mula sa mga balakid ang potensiyal ng lahat!

Ikinararangal ng mga Libertaryan na tumindig nang kasama ang mga migranteng komunidad sa pagsuporta sa Proposisyon C.

Libertarian Party of San Francisco (Partido Libertaryan ng San Francisco)

www.LPSF.org

Ang totoong (mga) pinagmulan ng pondo para sa bayad sa pagpapalimbag ng argumentong ito: Libertarian Party of San Francisco.

Ang tatlong pinakamalalaking nagbigay ng kontribusyon sa true source recipient committee (komite na tumatanggap mula sa tunay na pinagmulan ng pondo): 1. Scott Banister, 2. David Jeffries, 3. Tim Carico.

May Bayad na Argumento ng May-Panukala na PABOR sa Proposisyon C

MGA LATINO: 15% de San Francisco. 8% de Comisionados - VOTA Sí en C

Sa mg panahong ito ng COVID-10, nakararanas ang komunidad na Latinx ng pinakamataas na porsiyento ng pagkakahawa sa sakit sa San Francisco. Bagamat natatanggihan ng tulong ng pederal na gobyerno at ng unemployment (tinatanggap na pera ng nawalan ng trabaho mula sa estado), hawak din namin ang isa sa pinakamabababang porsiyento ng serbisyo sa mga Lupon at Komisyon na tumutulong sa paggabay kung paano naihahatid ang mga kritikal na serbisyo.

Panahon na upang mapalawak ang pagiging kuwalipikadong maglingkod sa mga lupon at komisyon para sa LAHAT ng taga-San Francisco. Nakapagtakda na ang Batas ng Senado 225, na pinirmahan na upang maging batas ni Gobernador Gavin Newsom nitong nakaraang taon, ng mapamamarisan para sa Proposisyon na ito. Gagawan ng pagbabago ng Prop C ang tsarter ng San Francisco upang magtugma ito sa kasalukuyang batas ng estado.

Pakisamahan kami sa pagboto ng OO sa Proposisyon C upang mabigyan ang lahat ng taga-San Francisco ng upuan sa hapag!

San Francisco Latino Democratic Club (Samahang Demokratiko ng mga Latino ng San Francisco)

San Francisco Young Democrats (Latinx na Kabataang Demokrata ng San Francisco)

Chicano Latino Caucus (Pulong ng mga Chicano Latino), California Democratic Party (Partido Demokratiko ng California)

La Raza Community Resource Center (Sentro para sa Mapagkukunan ng Tulong at Impormasyon ng Komunidad ng La Raza)

Ang totoong (mga) pinagmulan ng pondo para sa bayad sa pagpapalimbag ng argumentong ito: San Francisco Latino Democratic Club.

May Bayad na Argumento ng May-Panukala na PABOR sa Proposisyon C

OO sa Prop C: Pagkakasama para sa LGBTQ+ na Imigrante

17% ng mga taga-San Francisco na nasa edad na ng pagboto ay may identidad na LGBTQ+ habang 35% naman ang isinilang sa ibang bansa. Palalawakin ng Prop C ang hanay ng mga kuwalipikadong taga-San Francisco na maaaring maglingkod sa mga komisyon ng lungsod, kasama na ang mga LGBTQ+ na imigrante na malaki na ang naimbag sa queer na kultura at kasaysayan ng San Francisco. Makapagbibigay ang Prop C sa mga LGBTQ+ na imigrante ng plataporma para sa sibikong pakikilahok at pag-aadbokasiya para sa komunidad sa panahon ng pandaigdigang krisis nang dahil sa pandemya at krisis sa ekonomiya, na wala sa proporsiyong nagsantabi na sa mga komunidad ng mga imigrante at queer na indibidwal.

OO sa Prop C: Pinalalawak ang Pagkakasama ng Identidad Batay sa Kasarian at Seksuwal na Oryentasyon

Binabago ng Prop C ang wika ng Tsarter ng San Francisco upang makasama ang diverse o may pagkakaiba-ibang seksuwal na oryentasyon at identidad batay sa kasarian. Sinusuportahan ang pag-OO sa C ng LGBTQ+ na nonprofit tulad ng Asylum Connect at ng Parivar, upang matiyak na magkakaroon ang bawat miyembro ng komunidad na LGBTQ+, anuman ang katayuan sa imigrasyon, ng pamamaraan magkaroon ng equitable o may katarungan sa pagkakapantay-pantay na representasyon sa politika. Panahon na upang makapaglingkod ang mga LGBTQ+ na mamamayang naghahangad nito, sa mga komisyon, mag-adbokasiya para sa may katarungan sa pagkakapantay-pantay na mga polisiya at serbisyo para sa lahat ng taga-San Francisco, at matiyak na sinasalamin ng mga komisyon ang diversity o pagkakaiba-iba at ang mga interes ng LGBTQ+ na komunidad.

LGBT Asylum Project (LGBT na Proyekto para sa Asilo)

GLBT Historical Society (GLBT na Samahan para sa Kasaysayan)

Harvey Milk LGBTQ Democratic Club (Harvey Milk LGBTQ na Samahang Demokratiko)

Alice B. Toklas LGBT Democratic Club (Alice B. Toklas LGBTQ na Samahang Demokratiko)

Ang totoong (mga) pinagmulan ng pondo para sa bayad sa pagpapalimbag ng argumentong ito: Okan Sengun.

May Bayad na Argumento ng May-Panukala na PABOR sa Proposisyon C

OO sa Prop C: Pagkakasama ng Kababaihan

Ang pagpapalawak ng maaaring maging kuwalipikado para makasama ang lahat ng taga-San Francisco sa paglilingkod sa mga komisyon ay lilikha ng mas maraming oportunidad upang mas maraming kababaihan ang makalahok sa sibikong gawain. Sa pamamagitan ng pagkakaloob sa LAHAT ng kuwalipikadong taga-San Francisco ng pagkakataon na makapaglingkod, titindig nang balikat-sa-balikat ang San Francisco sa lahat ng residente at titiyakin na maririnig ang kanilang natatanging mga boses at perspektiba sa mga usaping kaugnay ng kanilang kalusugan, kagalingan, at kaligtasan.

Pakisamahan ang Mga Kababaihang Lider sa pagboto ng OO sa Proposisyon C upang mabigyan ang lahat ng taga-San Francisco ng upuan sa hapag!

Myrna Melgar

Frances Hsieh

Tracy Brown

Jen Low

Sunny Angulo

Natalie Gee

Bivett Brackett

Shanell Williams

Ang totoong (mga) pinagmulan ng pondo para sa bayad sa pagpapalimbag ng argumentong ito: San Francisco Latino Democratic Club.

May Bayad na Argumento ng May-Panukala na PABOR sa Proposisyon C

NAGSASABI ANG MGA MANGGAGAWA at NAGTATRABAHONG MGA PAMILYA NG - Bumoto ng Oo sa C

Hanggang sa 35% na ng ating Lungsod ang ipinanganak sa ibang bansa. Bumubuo ang mga taong may kulay ng 62% ng populasyon ng San Francisco. Sa mga nagtatrabahong pamilya, mas matataas pa ang mga porsiyentong ito. Nagdedesisyon ang mga komisyoner kung paano naglalaan ang mga departamento ng Lungsod ng mga rekurso at serbisyo habang pinananagot ang mga tagapamahala.

Naging pinakamataas ang pagkakaroon ng mga komisyoner na may kulay nang maging hanggang sa 57% ito noong 2015 at humantong sa 49% noong 2019, na nangangahulugang paurong ang pagkakaroon ng katarungan sa pagkakapantay-pantay at representasyon sa kritikal na panahon sa ating kasaysayan ng katarungang panlipunan. Gagawin ng Prop C na kuwalipikado ang hanggang sa 1/3 ng ating populasyon para sa paglilingkod sa lahat ng lupon at komisyon.

Mahalaga ang representasyon. Nagrerepaso ang mga komisyon ng badyet, nagtatakda ng polisiya, at nagtatalaga ng pinakamatataas na tagapamahala na siyang gumagawa ng mga desisyon sa pag-eempleyo. Kung paanong kailangang kinakatawan ng mga pangkat na ito ang hanay ng mga nagtatrabaho, kailangan ding kinakatawan ng mga ito ang ating Lungsod.

PAGHUSAYIN ANG MGA SERBISYO SA GOBYERNO at ang PAGIGING MAKATARUNGAN - Bumoto ng Oo sa C

Longshore Warehouse Workers Union (Unyon sa mga Dalampasigan at Bodega), Lokal 10

Conny Ford, OPEIU

Christopher Christensen, ILWU

Ang totoong (mga) pinagmulan ng pondo para sa bayad sa pagpapalimbag ng argumentong ito: San Francisco Latino Democratic Club.

Pagtatapos ng May Bayad na Argumento na PABOR sa Proposisyon C

May Bayad na Pangangatwiran na KONTRA sa Proposisyon C

May Bayad na Argumento ng May-Panukala na LABAN sa Proposisyon C

Bumoto ng HINDI sa Proposisyon C

Hindi na sana kami magsusumite ng argumentong ito upang kalabanin ang panukalang-batas kung nilikha ng mga awtor ang proposisyon upang makasama kapwa ang mga mamamayan at iba pang legal na residente. Sa halip, isinasama ng panukalang-batas ang hindi legal na mga residente. Naniniwala pa rin kami na ang pinakamabuting paraan upang lubusang mapakinabangan ng mga imigrante ang lahat ng benepisyo ng ating lungsod ay ang pagkakaroon ng citizenship o pagkamamamayan ng U.S.

San Francisco Republican Party (Partido Republikano ng San Francisco)

John Dennis, Tagapangulo

Mga Delegado:

Ika-17 na Assembly District (Pang-asembleyang Distrito): Cale Garverick, Krista Garverick, Joseph C. Roberts

Ika-19 na Assembly District (Pang-asembleyang Distrito: Howard Epstein, Stephanie Jeong, Joan Leone, Tom Sleckman

Ang totoong (mga) pinagmulan ng pondo para sa bayad sa pagpapalimbag ng argumentong ito: San Francisco Republican Party.

Ang tatlong pinakamalalaking nagbigay ng kontribusyon sa true source recipient committee: 1. Maurice Kanbar, 2. San Francisco Assoc. of Realtors, 3. Friends of John Dennis for Congress 2020 (Mga Kaibigan ni John Dennis para sa Kongreso 2020).

Legal Text

Describing and setting forth a proposal to the voters at an election to be held on November 3, 2020, to amend the Charter of the City and County of San Francisco to require that members of boards, commissions, and advisory bodies be residents of the City and of legal voting age, replacing the requirement that members of boards, commissions, and advisory bodies be United States citizens and registered voters.

Section 1. The Board of Supervisors hereby submits to the qualified voters of the City and County, at an election to be held on November 3, 2020, a proposal to amend the Charter of the City and County by revising Section 4.101, to read as follows:

NOTE: Unchanged Charter text and uncodified text are in plain font.

Additions are single-underline italics Times New Roman font.

Deletions are strike-through italics Times New Roman font.

Asterisks (* * * *) indicate the omission of unchanged Charter subsections.

SEC. 4.101. BOARDS AND COMMISSIONS – COMPOSITION

(a) Unless otherwise provided in this Charter, the composition of each appointive board, commission, or advisory body of any kind established by this Charter or legislative act of the United States of America, the State of California, or the Board of Supervisors shall:

1. Be be broadly representative of the communities of interest, neighborhoods, and the diversity of the City and County in ethnicity, race, age, sex, gender identity, and sexual orientation, and types of disabilities. of the City and County and have representation of both sexes; and

(b) 2. Consist of electors All members of such bodies as described in subsection (a) shall be residents of the City and County and the minimum age required to vote in municipal elections in the City and County, at all times during the term of their respective offices, unless otherwise specifically provided in this Charter.; or in the case of Either or both of the requirements set forth in the first sentence of this subsection (b) shall not apply to boards, commissions, or advisory bodies established by legislative act if the legislation specifically exempts the position is (a) designated by ordinance for a person under legal voting age, or (b) unless specifically exempt from either or both requirements the provisions, or waived by if the appointing officer or entity upon a finding that an elector makes a finding that a person meeting both requirements with specific experience, skills or qualifications, and willing to serve, could not be located within the City and County.

(c) It shall be the official City policy that the composition of each appointive board, commission, or advisory body of any kind established by this Charter or legislative act of the United States of America, the State of California, or the Board of Supervisors shall reflect the interests and contributions of both men and women people of all races, ethnicities, ages, sexes, gender identities, sexual orientations, and types of disabilities. The voters therefore urge in the strongest terms all City officers and agencies involved in nominating, appointing, or confirming members of those appointive boards, commissions, or advisory bodies to consider and as appropriate support the nomination, appointment, or confirmation of female, minority, and disabled candidates women, people of color, seniors, people with disabilities, and people that reflect a range of sexual orientations and gender identities to fill seats on those bodies.

(d) The Commission on the Status of Women shall conduct an analysis of appointments to appointive boards, commissions, and advisory bodies established in the Charter or by legislative act, in the second and fourth year of each mayoral administrationterm to track the diversity of appointments to such bodies. This analysis, to be based only on voluntary disclosures, shall include gender, ethnicity, sex, gender identity, sexual orientation, disability status, and any other relevant demographic qualities.

(be) Vacancies on appointive boards, commissions, or other units of government shall be filled for the balance of the unexpired term in the manner prescribed by this Charter or ordinance for initial appointments.

(cf) Terms of office shall continue as they existed on the effective date of this Charter.

Text-only version