Pagmamarka sa Inyong Balota

1.    Bago kayo gumawa ng mga pagpili, basahin ang lahat ng instruksiyon na naka-imprenta sa magkabilang panig ng balota.

2.    Upang matiyak na mababasa at mabibilang ang inyong mga piniling pagbotohan, gumamit ng panulat na may matingkad na tinta o lapis.

3.    Huwag magsulat ng personal na impormasyon tulad ng inyong pangalan o address saanman sa magkabilang panig ng inyong balota.

4.    Para bumoto sa unang bahagi ng labanan, punan ang oval na katabi ng “Oo” o “Hindi” sa harap ng balota.

5.    Para bumoto sa nakalistang kandidato sa pangalawang bahagi ng labanan, punan ang oval na katabi ng pangalan ng kandidato sa likod ng balota.

6.    Upang bumoto para sa kuwalipikadong write-in (isinusulat-lamang ang pangalan) na kandidato sa pangalawang bahagi, punan ang oval na katabi ng blankong espasyo sa ibaba ng listahan ng mga pangalan at isulat sa espasyong iyon ang pangalan ng napili ninyong kandidato. (Makukuha ang listahan ng mga kuwalipikadong write-in na kandidato sa sfelections.org/writein at sa Sentro ng Botohan sa City Hall simula sa Setyembre 3, pati na rin sa lahat ng lugar ng botohan sa Araw ng Eleksyon, na Setyembre 14). 

7.    Kung boboto man kayo sa isa o sa dalawang bahagi ng recall na labanan, maaari lamang kayong pumili ng isa sa bawat bahagi. Sa madaling salita, huwag kayong boboto ng parehong “Oo” at “Hindi” o pumili ng mahigit sa isang pamalit na kandidato.

8.    Kung nagkamali kayo habang minamarkahan ang inyong (mga) napili, may karapatan kayong humiling ng bagong balota, mangyaring tingnan dito.