Pagboto sa Pamamagitan ng Koreo
Maaaring humiling ang botante ng vote-by-mail (pagboto sa pamamagitan ng koreo) na balota, para sa eleksyon na ito lamang o para sa lahat ng eleksyon. Magsisimulang magpadala ang Departamento ng mga Eleksyon ng mga balota nang humigit-kumulang isang buwan bago ang bawat eleksyon.
Bago Kayo Bumoto
1. Magsumite ng inyong kahilingan para bumoto sa pamamagitan ng koreo sa lalong madaling panahon; kailangang matanggap ito ng Departamento ng mga Eleksyon nang hindi lalampas ng Pebrero 25, pitong araw bago ang Araw ng Eleksyon.
2. I-check ang inyong kinakatigang partido sa likod ng pabalat ng pamplet na ito o sa sfelections.org/voterportal. Ang inyong kinakatigang partido ang magdedetermina kung sino-sinong mga kanidato sa pagkapangulo ang nasa inyong balota. Para sa Marso 3 eleksyon, ang mga partidong magpapahintulot sa mga botanteng walang kinakatigang partido na bumoto sa kanilang primarya sa pagkapangulo ay ang mga partidong Amerikanong Independiyente, Demokratiko, at Libertaryan. Para palitan ang inyong kinakatigang partido o humiling ng balota ng partido, tingnan ang dito.
3. I-check o i-update ang gusto ninyong wika para sa inyong balota sa sfelections.org/language:
• Makakukuha ng balota at iba pang materyales sa Ingles at Tsino, Espanyol, o Filipino.
• Makakukuha ng facsimile na balota sa Vietnamese at Koreano; ito ay mga eksaktong kopya ng opisyal na balota na may isinalin na laman, para magamit ng mga botante bilang pang-reperensiya.
• Makatutulong ang pagpapahiwatig sa amin ng gusto ninyong wika nang maaga para makuha ang inyong balota sa inyong piniling wika nang mas maaga. Kung hindi man, may mga instruksiyon ang inyong balota para makapagpalit kayo ng balota na naglalaman ng gusto ninyong wika.
4. Kung mayroon kayong kapansanan, pag-isipan kung gagamit kayo ng papel na balota o iba pang accessible na opsiyon (tingnan ang dito).
5. Alamin pa ang tungkol sa sistema ng pagboto ng San Francisco sa sfelections.org.
Kung Paano Humiling na Bumoto sa pamamagitan ng Koreo
• Punan at ibalik ang aplikasyon sa likod ng pabalat ng pamplet na ito.
• Pumunta sa sfelections.org/vbm.
• Tumawag sa (415) 554-4310, o bumisita sa Departamento ng mga Eleksyon sa City Hall, Room 48.
• Magpadala sa pamamagitan ng koreo, fax, o email ng na-scan na request sa Departamento ng mga Eleksyon, kasama ng inyong pangalan, petsa ng kapanganakan, address ng tirahan, address kung saan ninyo gustong ipadala ang inyong balota, at inyong pirma.
Para bumoto sa pamamagitan ng koreo para sa lahat ng eleksyon, mag-request na maging permanenteng vote-by-mail na botante sa pamamagitan ng pagkumpleto sa aplikasyon na nasa likod ng pabalat o sa sfelections.org/voterportal.
Kung Magkamali kayo sa Inyong Balota
Para humiling ng pamalit na balota, pumunta sa sfelections.org/voterportal o tumawag sa (415) 554-4310.
Kung Paano Ibabalik ang Inyong Balota
1. Itupi ang inyong balota nang isa-isa at ilagay ito sa pambalik na sobre.
2. Pirmahan at isara ang sobre.
3. Ibalik ang balota sa takdang oras.
May tatlong paraan para ibalik ang inyong balota:
1. Ipadala sa pamamagitan ng koreo sa Departamento ng mga Eleksyon; ang pambalik na sobre ay kailangang:
• Naka-postmark bago o sa Araw ng Eleksyon, Martes, Marso 3, AT
• Matanggap ng Departamento ng mga Eleksyon nang hindi lalampas ng Biyernes, Marso 6.
2. Ihulog ito sa Drop-Off Station sa labas ng alinmang Sentro ng Botohan, na bukas ng Pebrero 29–Marso 3 sa mga oras ng pagboto (tingnan ang dito).
3. Ihulog ito sa kahit anong botohan sa California sa Araw ng Eleksyon.
Kung Paano I-track ang Inyong Balota
I-check ang estado ng inyong balota—mula sa pagpapadala sa koreo hanggang sa pagbibilang—sa sfelections.org/voterportal o tumawag sa (866) 325-9163 nang toll free (walang bayad). Kung hindi mabibilang ang inyong balota, makikita sa tool na ito kung paano ninyo iwawasto ang isyu bago ang Araw ng Eleksyon para mabilang namin ang inyong balota.
Simula Pebrero 18, maaari ninyong panoorin ang pagbukas at pagpo-proseso ng mga vote-by-mail na balota sa Departamento ng mga Eleksyon sa sfelections.org/observe.