Mga Madalas Itanong (FAQs)

Sinagot ng Komite para Gawing mas Simple ang Balota

 Sino ang makaboboto?
Mga mamamayan ng U.S., 18 taong gulang o mas matanda pa, na nakarehistrong bumoto sa San Francisco sa o bago sumapit ang deadline ng pagpaparehistro. Ang mga elihibleng hindimamayang residente ng San Francisco na mga magulang, legal na tagapatnubay, o tagapangalaga ng mga batang mas mababa sa 19 taong gulang ang edad ay maaaring magparehistro at bumoto para sa mga miyembro ng Board of Education (Lupon ng Edukasyon); ang susunod na eleksyon ng Lupon ng Edukasyon ay sa Nobyembre 3, 2020. 

 Kailan ang deadline para magparehistrong bumoto o i-update ang impormasyon sa aking rehistrasyon?

Ang deadline ng pagpaparehistro ay Pebrero 18 (labinlimang araw bago ang Araw ng Eleksyon. Pinahaba ngayon dahil sa holiday). May oportunidad na kondisyonal na magparehistro at bumoto gamit ang probisyonal na balota ang mga nalampasan ng deadline. Para sa karagdagang impormasyon, bisitahin ang sfelections.org.

 Kailan at saan ako makaboboto sa Araw ng Eleksyon?

Maaari kayong bumoto sa inyong lugar ng botohan o sa sentro ng botohan sa Araw ng Eleksyon mula 7 a.m. hanggang 8 p.m. Ang address ng inyong botohan ay nasa likod na pabalat ng inyong Pamplet ng Impormasyon para sa Botante Matatagpuan din ninyo ito sa sfelections.org/pollsite o tumawag sa (415) 554-4310. Matatagpuan ang Sentro ng Botohan sa: 

• City Hall, sa labas ng Room 48 

• San Francisco State University, 798 State Drive, Towers Conference Center 

• Joseph Lee Recreation Center, 1395 Mendell Street 

 Mayroon bang anumang paraan para bumoto bago ang Araw ng Eleksyon?

Opo. Ang inyong mga opsiyon ay ang mga sumusunod:

• Bumoto sa pamamagitan ng koreo. Sagutan at ipadala sa koreo ang Aplikasyon para sa Vote-by-Mail na nakalimbag sa likod na pabalat ng pamplet na ito, kumpletuhin ang aplikasyon online sa sfelections.org/vbm, o tumawag sa (415) 554-4310 para humiling na bumoto sa pamamagitan ng koreo. Ipadadala sa inyo ang isang vote-by-mail na balota. Dapat matanggap ng Departamento ng mga Eleksyon ang inyong kahilingan sa, o bago sumapit ang Pebrero 25, o 

• Bumoto nang personal sa Sentro ng Botohan sa City Hall, simula Pebrero 3, o sa Sentro ng Botohan sa San Francisco State University, o sa Joseph Lee Recreation Center, simula Pebrero 29 (tingnan ang dito para sa mga petsa at oras).

 Kapag hindi ako gumamit ng aplikasyon o nakatawag, maaari ba akong makakuha ng vote-by-mail na balota sa ibang paraan?

Opo. Maaari kayong magpadala ng nakasulat na kahilingan sa Departamento ng mga Eleksyon. Kasama dapat sa kahilingang ito ang: nakalimbag na address ng tirahan ninyo, address kung saan ninyo gustong ipadala ang balota, petsa ng kapanganakan ninyo, nakasulat na pangalan ninyo, at ang inyong pirma. Ipadala ang inyong kahilingan sa Departamento ng mga Eleksyon sa address na nasa likod na pabalat ng pamplet na ito o i-fax ito sa (415) 554-4372. Dapat matanggap ang inyong kahilingan sa, o bago sumapit ang, Pebrero 25.

 Ang aking ika-18 kaarawan ay pagkatapos ng deadline ng pagpaparehistro ngunit sa, o bago ang Araw ng Eleksyon. Maaari ba akong bumoto sa
eleksyong ito?

Opo. Maaari kayong magparehistrong bumoto sa mismong, o bago ang, araw ng deadline ng pagpaparehistro, at bumoto sa eleksyong ito—kahit na hindi pa kayo 18 noong nagparehistro kayo.

 Kung ako ay nahatulang may-sala sa isang krimen, maaari pa rin ba akong bumoto?

Opo, maaari kayong bumoto. Elihible kayong magparehistro at bumoto kung kayo ay:

• Nasa kulungan ng county:

o Nagsisilbi ng sentensiya para sa kasong misdemeanor.

o Nagsisilbi ng sentensiya sa kulungan para sa kasong felony.

o Nagsisilbi bilang kundisyon ng probation dahil kayo ay nahatulang may-sala sa kasong misdemeanor o felony.

o Naghihintay ng paglilitis.

• Naka-probation.

• Nasa ilalim ng mandatory supervision.

• Nasa ilalim ng programa ng post-release community supervision.

• Nasa ilalim ng federal supervised release.

• Nakatanggap na noon ng pormal na pagpapasya ukol sa pagpapatnubay sa menor de edad (juvenile wardship adjudication).

 Bago pa lamang akong naging mamamayan ng U.S. Maaari ba akong bumoto sa eleksyong ito?

Opo.

• Kung naging mamamayan kayo ng U.S., bago o sa mismong araw ng deadline ng pagpaparehistro (Pebrero 18), maaari kayong bumoto sa eleksyong ito, ngunit kailangan kayong
magparehistro nang hindi lampas sa deadline;

• Kung naging mamamayan kayo ng U.S. pagkaraan ng deadline ng pagpaparehistro, ngunit bago o sa mismong Araw ng Eleksyon, maaari kayong magparehistro at bumoto sa Sentro ng Botohan bago mag-8 p.m. sa Araw ng Eleksyon kapag may katibayan ng pagiging mamamayan.

 Lumipat ako sa loob ng San Francisco ngunit hindi ko na-update ang aking rehistrasyon bago dumating ang deadline ng pagpaparehistro. Maaari ba akong bumoto sa eleksyong ito?

Opo. Ang inyong mga opsiyon ay ang mga sumusunod:

• Pumunta sa Sentro ng Botohan sa mismong Araw ng Eleksyon o bago sumapit ito, kumpletuhin ang form para sa pagpaparehistro ng bagong botante at bumoto; o

• Pumunta sa inyong bagong lugar ng botohan sa Araw ng Eleksyon at bumoto sa probisyonal na balota. Maaari ninyong hanapin ang address ng inyong bagong lugar ng botohan sa pamamagitan ng pag-type ng inyong bagong address ng tirahan sa sfelections.org/pollsite, o tumawag sa (415) 554-4310.

 Mamamayan ako ng U.S. na nakatira sa ibang bansa. Paano ako makaboboto?

Maaari kayong magparehistrong bumoto at mapadalhan ng vote-by-mail na balota sa pamamagitan ng pagkumpleto ng Federal Post Card Application. I-download ang aplikasyon mula sa fvap.gov o kumuha nito mula sa mga embahada, mga konsulado o mga opisyal ng military na tumutulong sa pagboto.

 Kung hindi ko alam kung ano ang gagawin kapag nakarating na ako sa botohan, mayroon bang makatutulong sa akin doon?

Opo. Tutulungan kayo ng mga manggagawa sa botohan, o maaari ninyong tingnan ang sfelections.org o tumawag sa Departamento ng mga Eleksyon sa (415) 554-4310 para sa tulong, bago o sa mismong Araw ng Eleksyon.

 Maaari ko bang dalhin ang aking Halimbawang Balota o ang aking sariling listahan sa voting booth?

Opo. Nakatutulong kung nakapagpasiya na kayo bago pa kayo pumunta sa botohan kung sino o ano ang iboboto ninyo. Ang inyong Halimbawang Balota ay makikita sa Ingles na bersiyon ng Pamplet ng Impormasyon para sa Botante. Maaari ninyong gamitin ang alinman sa dalawa, ang Halimbawang Balota o ang Ballot Worksheet na nasa loob nitong pamplet, para sa layuning ito. 

 Kailangan ba akong bumoto sa bawat labanan at panukalang-batas na nasa balota?

Hindi po. Bibilangin ang inyong mga ibinoto kahit na hindi kayo bumoto sa bawat labanan at panukalang-batas.