Mga Kandidato para sa Community College Board (Lupon ng Kolehiyo ng Komunidad)

Hindi nagsusumite ang lahat ng kandidato ng pahayag ng mga kuwalipikasyon. Makikita ang kumpletong listahan ng mga kandidato sa halimbawang balota. Kusang-loob na ibinigay ng mga kandidato ang mga pahayag at hindi isiniyasat ng anumang opisyal na ahensiya para sa kawastuhan. Inilimbag ang mga pahayag gaya ng isinumite. Hindi iwinasto ang mga maling spelling o grammar mula sa bersiyong Ingles nito. Isinalin ito sa pinakamalapit, hangga't maaari, na orihinal na teksto.

VICK CHUNG

Ang aking trabaho ay Tagapag-oorganisa sa Komunidad.

Ang aking mga kuwalipikasyon ay:

Isa akong student trustee emeritus (panghabambuhay na katiwalang estudyante) kamakailan lamang, edukador ng seksuwal na kalusugan, at nag-aadbokasiya para sa katarungang panlipunan.

Habang naglilingkod sa San Francisco City College Board, tinutulan ko ang hindi matatag na pinansiyang pagbabadyet, kung saan inulit lamang ang gayon ding hindi epektibong mga stratehiya na lalo pang nag-isantabi sa mga estudyante at empleyado na may kulay ng kolehiyo. Nakipagtrabaho ako sa mga lider-estudyante at unyon sa paggawa sa kabuuan ng estado upang malabanan ang interes ng mga korporasyon at maprotektahan ang mga pamamaraan para sa pagkakaroon ng pampublikong edukasyon.

Bilang anak ng nagsilikas mula sa kanilang bansa na mga Tsino-Vietnamese, at dahil ipinanganak at pinalaki ako sa San Francisco, naiintindihan ko ang kritikal na papel na ginagampanan ng pang-edukasyong mga institusyon sa Itim, kayumanggi, at Asyanong mga komunidad na humaharap sa lingguwistiko, kultural, at hene-henerasyon nang mapaniil na mga hadlang tungo sa pagkakaroon ng sosyo-ekonomikong mga oportunidad.

Natulungan na ako ng aking edukasyon sa pampublikong kalusugan upang maunawaan na bago pa man ang COVID-19, namuhay na ang mga komunidad ng may kulay sa pandemya nang dahil sa pagkakaroon ng mga agwat sa kalusugan. Nagkakaloob ang City College ng magkakasalikop na mga pamamaraan tungo sa komunidad, mga serbisyong panlipunan, at sosyo-ekonomikong mga oportunidad. Natulungan ng City College ang aking mga magulang na matuto ng Ingles, maging mga mamamayan, at magkatrabaho, at natulungan nito ako–na queer at Asyano-Amerikano–na maghilom mula sa hene-henerasyong karahasan at matinding seksuwal na danas, at bumangon nang may matinding pagmamahal para sa pagpapalawak sa mga daan tungo sa pampublikong edukasyon. Tumatakbo ako dahil alam kong panlunas na gamot ang edukasyon.

Mga Pag-eendoso:

San Francisco Labor Council

United Educators of San Francisco

American Federation of Teachers 2121

ILWU Northern California District Council

Dating Superbisor John Avalos

Mga Board of Supervisors ng San Francisco Gordon Mar at Dean Preston

Vick Chung

BRIGITTE DAVILA

Ang aking trabaho ay Presidente, Lupon ng CCSF / Propesor.

Ang aking mga kuwalipikasyon ay:

Naglilingkod ako bilang Presidente ng Lupon, at tumatakbo ako upang mahalal muli. Bilang unang indibidwal sa aking pamilya na nakapagkolehiyo, nakinabang ako mula sa pampublikong mas mataas na edukasyon ng California. Nakapagturo na ako sa SFSU sa College of Ethnic Studies (Kolehiyo para sa Pag-aaral ukol sa mga Etnisidad) sa loob ng 27 taon, at naiintindihan ko kung ano ang kinakailangan upang umunlad ang mga estudyante. Gumugol ako ng 15 taon sa pakikipagtrabaho sa mga mambabatas, kaguruan, at estudyante upang maitulak ang mga badyet at batas na sumusuporta sa de-kalidad na pampublikong edukasyon. Magmula nang una akong mahalal noong 2014, humarap na ang CCSF sa napakalalaking hadlang, pero ang matibay at may karanasang pamumuno ang nanguna sa landas tungo sa libreng matrikula at buong akreditasyon para sa CCSF.

Ipagpapatuloy ko ang:

• Pagtugon sa mga Pamantayan para sa Akredistasyon - pagpapanatili sa CCSF na bukas at may akreditasyon.

• Pagtatakda ng Katatagan sa Pinansiya - pagpapabalanse sa badyet nang walang kakulangan nang dahil sa paggasta.

• Pagtitiyak ng Kabukasan sa Pagsisiyasat sa Badyet - pakikipagtrabaho sa auditor na nag-uulat sa Board (Lupon) at umaasa sa mga pangkat para sa pagrerepaso na binubuo ng kaguruan, kawani, at mga estudyante.

• Pagpapatupad sa Pagpapahusay sa mga Pasilidad: paggamit sa $845 milyon na bond (utang ng gobyerno) upang mapasimulan ang pagpapatupad ng 3 proyekto sa Enero.

• Pagpapahusay ng DEI na mga gawain sa ating kolehiyo - naglingkod ako sa Diversity, Equity & Inclusion team (pangkat para sa Pagkakaiba-iba, Katarungan sa Pagkakapantay-pantay, at Pagsasama sa Lahat) para sa kabuuan ng estado, at maghahatid ng pinakamahuhusay na gawain.

• Pagpapalawak sa Libreng City - pagpapalawak na higit pa sa matrikula upang masuportahan ang mga estudyante

May karanasan na ako sa pagpapanatili sa City College na bukas, may pananagutan, at rekurso para sa lahat ng residente ng San Francisco. Tingnan ang www.CCSFTogether.org para sa mga pag-eendoso at impormasyon.

Brigitte Davila

MARIE HURABIELL

Ang aking trabaho ay Rehente ng Unibersidad / Negosyante.

Ang aking mga kuwalipikasyon ay:

May Karanasan. Responsable sa Pananalapi. May Pananagutan sa Publiko, at hindi sa interes ng insiders o kabilang sa higit na may kapangyarihan o impluwensiya.

• Nanay.

• Subok nang Lider, kasama na ang karanasan sa Board of Regents (Lupon ng mga Rehente) ng Georgetown University, Presidio Trust, Holy Family Day Home.

• Gumawa ng mga inobasyon sa pagsusulong ng kurikulum.

• Sanay na sanay na sa pangangalap ng pondo: $42,000,000 para sa pang-edukasyon at pang-komunidad na mga kapakanan.

• 22 taon na pamumuno sa mga institusyong kabilang sa pinakamahuhusay sa mundo.

• Nagtapos nang may karangalan sa Georgetown University at sa University of Pennsylvania Law School.

Ang San Francisco City College ay kailangang maging ilaw ng pag-asa, at maaasahan sa pagiging matagumpay at respetadong institusyon na nagpapayaman sa ating lungsod sa pamamagitan ng pagbibigay-lakas sa ating mga estudyante, at nang matamo nila ang pinakamatayog na posible nilang marating. Kalungkot-lungkot na dahil sa isang dekada na maling pamamahala sa pinansiya, nabibigo na ang CCSF. Nakita na natin ang hindi kuwalipikadong mga katiwala na inabuso ang posisyon bilang politikal na tuntungang-bato, at yumuyukod sa mga interes ng insiders, kung kaya’t naiiwan ang mga estudyante at guro na walang tunay na taga-adbokasiya. Nagdulot na ang kapabayaang ito ng nakapipinsalang mga resulta. Katulad na katulad ng Board of Education, panahon na para sa may kakayahang pamumuno upang maipanumbalik ang CCSF.

Wala nang iba pang kandidato sa labanang ito ang may karanasan sa pangangasiwa sa “matagumpay” na akademikong institusyon, at sa halip sila’y mga nasa katungkulan na pinahintulutan nang walang pagsisiyasat ang maraming taon ng maling pagpapatakbo. Kailangang-kailangan na ng CCSF ang bagong lider na may subok nang rekord sa gawain ng pangangalap ng pondo at inobasyon sa edukasyon.

Bilang inyong Katiwala na may sentido komun, tutulong ako sa pamumuno sa CCSF tungo sa matibay na pagtindig, sa pamamagitan ng paghahatid ng pinakamahuhusay na gawain at malikhaing mga solusyon, paghahanda sa mga estudyante para sa tagumpay, at pagbibigay ng proteksiyon upang magkaroon ng maaasahang tagumpay ang CCSF sa pangmatagalang panahon.

Nangangailangan ang epektibong lupon ng independiyenteng mga miyembro na hindi tumatanaw ng utang sa insiders.

Nangangako akong gagawin kung ano ang tama upang mailigtas ang CCSF.

VoteMarie.com.

Salamat po!

Marie Hurabiell

ANITA MARTINEZ

Ang aking trabaho ay Retiradong Guro / Administrador.

Ang aking mga kuwalipikasyon ay:

Ako ang kauna-unahan sa aking pamilya na makapasok sa kolehiyo, at nagsimula ang aking pang-edukasyong landas sa dalawang-taon na institusyon na nagbigay-inspirasyon sa akin na magtrabaho sa mga kolehiyo ng komunidad. Sa City College ng San Francisco, nakapaglingkod na ako bilang guro, Dekano ng mga Estudyante, at Bise-Tsanselor para sa Pagtuturo. Nahalal na akong presidente ng American Federation of Teachers 2121 at ng Akademikong Senado. Naglingkod na rin ako bilang Dekano ng Language Arts (Mga Sining ng Wika) sa Skyline College at Bise Presidente para sa Pagkatuto ng mga Estudyante sa College of Marin. Alam ko kung paano magbalanse ng badyet; nakabuo na ako ng polisiya para sa kolehiyo ng komunidad; nakalahok na ako sa pagpili ng mga tsanselor. Ang mga ito ang tatlong pangunahing responsibilidad ng katiwala. Nakapamuno na ako ng mga pangkat sa ilang kolehiyo ng komunidad, upang matagumpay silang makatugon sa mga hamon sa akreditasyon. Ginugol ko na ang kabuuan ng aking karera bilang edukador.

May pangako ako na

• Panatilihin ang City College bilang kolehiyo ng komunidad

• Paghusayin ang karanasan ng mga estudyante sa pamamagitan ng komprehensibong mga serbisyo at madaling gamitin na portal sa pagpaparehistro

• Palawakin ang mga pamamaraan ng lahat sa pamamagitan ng pagpapanumbalik ng mga klase at programa

• Balansehin ang badyet nang hindi isinasakripisyo ang mga kawani

• Palakihin ang pag-eenroll para sa tuloy-tuloy na pagpasok ng kita

• Paghusayin ang pagkakaroon ng pagkakaiba-iba, katarungan sa pagkakapantay-pantay, at pagsasama sa lahat

Mga Pag-eendoso:

American Federation of Teachers 2121

ILWU Northern California District Council

San Francisco Labor Council

United Educators of San Francisco

Presidente ng Board of Supervisors Shamann Walton

Mga Superbisor Gordon Mar, Myrna Melgar, Dean Preston

Dating Superbisor John Avalos

Tagapagtatag ng El Colegio de la Mission John Rodelo

martinezforcollegeboard.com

Anita Martinez

JOHN RIZZO

Ang aking trabaho ay Bise Presidente, Community College Board.

Ang aking mga kuwalipikasyon ay:

Sa panahon ng Pandemya, nang nawala sa California Community Colleges ang 20% ng kanilang mga estudyante at nawala sa City College ang napakahalagang kita mula sa buwis, nagtrabaho ako agad upang makapaghatid ng mga solusyon. Napatatag namin ang pinansiya at nawakasan ang mga pagkukulang sa istruktura. Natugunan namin ang lahat ng pinansiyal na pangangailangan para sa akreditasyon, ang hinihingi ng estado, at ng aming mga auditor. At ngayon ay mayroon na tayong maayos na reserbang pondo upang maitawid ang City College nang lampas sa susunod na pagbagsak ng ekonomiya.

Bilang Tagapangulo para sa mga Pasilidad, nagtrabaho ako upang makakilos agad ukol sa panukalang bond noong 2020: malapit na tayong magsimula ng konstruksiyon sa tatlong bagong gusali na pang-klasrum, na may pinakamahuhusay na antas ng pag-unlad, at nang mapalitan ang sira-sirang pasilidad; at idinidisenyo na ang ika-apat na gusali. At, tumulong din ako na matiyak ang pagkakaroon ng 100+ bago at abot-kayang pabahay na unit para sa mga guro at kawani.

Naisama ko ang aking trabaho bilang aktibista para sa kapaligiran sa Sierra Club upang makalikha ng polisiya ukol sa klima para sa City College, sa pamamagitan ng pagkakaroon ng bagong mga gusali na binibigyan ng koryente gamit ang geothermal na enerhiya, pagkakaroon ng estasyon para sa charging ng elektronikong sasakyan, at pases sa libreng transportasyon para sa mga estudyante.

Kasama sa iba pang solusyon na tinatrabaho ko ang abot-kayang pabahay para sa mga estudyante, pagpapataas ng porsiyento ng tagumpay ng mga estudyante, at pagtatanggal sa walang katarungan sa pagkakapantay-pantay na mga hadlang tungo sa pagkakaroon ng pagkakaiba-iba, pagkakapantay-pantay, at pagsasama sa lahat.

Kabilang sa aking mga taga-suporta sina/ang:

Senador Scott Wiener

Dating Senador Mark Leno

Miyembro ng Asembleya Phil Ting

Superbisor Aaron Peskin

Superbisor Rafael Mandelman

Superbisor Gordon Mar

Bawat miyembro ng Community College Board: Aliya Chisti, Brigitte Davila, Murrell Green, Thea Selby, Shanell Williams, Alan Wong

Ang Sierra Club

www.johnrizzoforcollegeboard.com

John Rizzo

THEA SELBY

Ang aking trabaho ay Katiwala, City College of San Francisco.

Ang aking mga kuwalipikasyon ay:

Nahalal na akong Katiwala nitong nakaraang 7 taon nang may habambuhay na pananagutan sa pampublikong edukasyon, at may-ari ng maliit na negosyo. Makikipaglaban si Thea Selby para sa City College at para sa inyo, ang komunidad. Ang kanyang mga nagawa sa CCSF ay:

• Napatnubayan ang CCSF upang malampasan ang pagkakaroon ng akreditasyon

• Bilang Presidente ng Board, ipinatupad ko ang LIBRENG City College para sa lahat ng estudyante at pinalaki nang 25% ang pag-eenroll sa unang taon

• Kasama ang mga miyembro ng Student Success and Policy Committee (Komite para sa Tagumpay ng Estudyante at mga Polisiya), nakahanap ng $2M upang mapababa ang utang ng mga estudyante

• Nakipagnegosasyon upang makakuha ng $400,000 mula sa pribadong developer at nang masuportahan ang pinamumunuan ng estudyante na kampanya para sa murang pampublikong transportasyon

Sa susunod na termino, si Thea ay

• Makikipagtrabaho sa kanyang mga kasamahan upang muling makapaghatid ng akreditasyon (2023)

• Susuportahan ang pinamumunuan ng estudyante na Transit Team (Pangkat para sa Pampublikong Transportasyon) at nang matiyak ang mga pases para sa pampublikong transportasyon

• Magtutuon sa pagpapanatili sa pinansiya na matatag at pagpapalaki sa pag-eenroll

• Magtatrabaho upang magamit ang wala pang alokasyong pondo para sa LIBRENG City at sa gayon ay makarekrut ng mga estudyante

• Bubuo ng kasunduan sa Building Trades (Mga Gawain sa Pagtatayo ng mga Gusali) at nang makapagtrabaho ang mga estudyante sa mga proyekto sa konstruksiyon ng CCSF na nagkakahalaga ng $845M

Kasama sa mga pag-eendoso:

Tinyenteng Gobernador Eleni Kounalakis

Tesorero ng Estado ng CA Fiona Ma

Board of Equalization Malia Cohen

Senador Scott Wiener

Miyembro ng Asembleya Phil Ting

Mga Superbisor Gordon Mar, Aaron Peskin, Myrna Melgar

Komisyoner ng mga Karapatang Pantao Leah Pimentel

Nag-aadbokasiya para sa Maliliit na Negosyo Henry Karnilowicz

Miyembro ng DCCC Nancy Tung

Direktor ng Nonprofit Danny Sauter

Sierra Club

National United Health Workers

Plumbers and Pipefitters Lokal 38

Thea Selby

SUSAN SOLOMON

Ang aking trabaho ay Retiradong Guro.

Ang aking mga kuwalipikasyon ay:

Ipinanganak ako at pinalaki sa San Francsico, at nagretiro ako nitong nakaraang taon mula sa karera sa edukasyon, kung saan nagsimula ako bilang tagabigay ng serbisyo para sa pangangalaga ng bata, at nagtapos bilang Presidente ng United Educators of San Francisco, nang pinamumunuan ang mga edukador upang maging ligtas sila sa unang 15 buwan ng pandemya at hindi pa nagaganap kailanman na mga pag-atake laban sa pampublikong edukasyon. Nag-aral ako sa mga pampublikong paaralan magmula noong kindergarten hanggang kolehiyo, at tumira ako sa Filmore District sa loob ng malaking bahagi ng aking buhay.

Nagsimula ang aking Master’s degree sa Early Childhood Education (Edukasyon sa Unang mga Taon ng Pagkabata) sa klase sa Child Development (Pag-unlad ng Bata) sa City College. Nagturo ako ng preschool at paaralang elementarya sa loob ng halos tatlong dekada.

Kailangang paglingkuran ng City College ang lahat: mga estudyanteng nagpaplanong makapasok sa kolehiyo; nagpaplanong magpatuloy sa kolehiyong pang-apat na taon; pagkakaroon ng teknikal/pang-industriyang mga sertipikasyon; kumukuha ng mga klase upang matuto ng mga kakayahang kailangan nila para sa mga trabaho; at mga estudyante ng high school na dual-enrolled o naka-enroll nang magkasabay; at mga habambuhay na nag-aaral.

Ang pagsuporta sa lahat ng estudyante sa ating minamahal na community college – mga nagtatrabahong estudyante, imigrante, at estudyanteng may kulay– ay mahalagang pamumuhunan sa ating demokrasya. Ilalaan ko ang lahat ng aking natutunan mula sa marami kong taon sa pag-aadbokasiya para sa pampublikong edukasyon tungo sa pagtatrabaho bilang Katiwala ng City College.

Bahagi pa lamang ng listahan ng mga pag-eendoso:

San Francisco Labor Council

American Federation of Teachers, 2121

United Educators of San Francisco

International Longshore and Warehouse Union NCDC

Board of Supervisors:

• Shamann Walton, Presidente

• Connie Chan

• Dean Preston

John Avalos, Council of Community Housing Organizations

Bevan Dufty, Direktor ng Lupon ng BART

Susan Solomon

WILLIAM WALKER

Ang aking trabaho ay Guro.

Ang aking mga kuwalipikasyon ay:

Dahil ipinanganak ako at pinalaking taga-San Francisco na nagtapos sa Wallenberg High, CCSF, at UC Berkeley, at dati akong Katiwalang Estudyante na naglingkod sa Board sa panahon ng muling pagkakaroon ng akreditasyon, may karanasan na ako sa pagpapalahok sa komunidad, upang magawa na powerhouse o makapangyarihang institusyon muli ang CCSF, na tulad noong una akong nag-enroll dito, noong ipinagmamalaki ng CCSF ang pagkakaroon ng 110,000 estudyanteng naka-enroll.

Kung mahahalal ako, gagawin ko ang:

- Pagpapataas ng pag-eenroll sa CCSF.

- Pakikipag-partner sa mga taga-empleyo upang matukoy ang mga kurso kung saan magagawang may kakayahan para sa tagumpay ang mga kandidato sa mga naririyan nang bukas na trabaho.

- Pagpapalawak sa degree sa nursing at mga programa para sa pag-aaprentis sa trabaho.

- Pagpapalawak sa mga kurso sa Cantonese, wikang Ingles, at Ethnic Studies.

- Pagpapalawak sa degree sa nursing at mga programa para sa pag-aaprentis sa trabaho.

- Pagsuporta sa Tsanselor upang mabago para sa kasalukuyan ang mga kurso sa CCSF, at nang matiyak na naililipat sa ibang kolehiyo o unibersidad ang mga kurso.

- Pagpapakilala sa mga bagong programa na maglalantad sa mga estudyante sa lumalawak nang mga larangan, tulad ng urban planning (pagpaplano para sa lungsod) at data science.

- Pagpapalawak sa magkasabay na pag-eenroll sa high school, pag-aaral para sa mas nakatatandang nasa sapat na gulang, at iba pang programa, batay sa pangangailangan ng komunidad.

- Pagpapalawak ng pakikipag-partner sa SFDHR, SFMTA at iba pang departamento ng Lungsod upang magamit ang CCSF bilang tagapagsanay na institusyon na nasa rekord.

Dahil mayroon na akong 28 taon ng karanasan sa pagpapaunlad ng komunidad at pagbibigay-serbisyo sa mga estudyante, magdalala ako ng mga kakayahan kung saan may kakulangan sa Lupon. Karapat-dapat ang mga estudyante na magkaroon ng tunay na pamumuno. Mapagkumbaba kong hinihiling ang inyong boto.

Iboto si William Walker!

Muli nating itatag ang City College!

Bisitahin ang ccsfwill.com.

William Walker

JILL YEE