Ang aking trabaho ay Superbisor ng Distrito 8.
Ang aking mga kuwalipikasyon ay:
Naging karangalan ko sa aking buhay na katawanin ang ating mga komunidad sa Board of Supervisors. Ipinagkakapuri ko ang trabahong nagawa natin, pero napakarami pang dapat gawin.
Sa Board, nagawa kong:
• Mag-awtor ng batas upang maipatupad ang mga conservatorship (pamamahala o paggawa ng desisyon para sa walang kakayahan) para sa walang tahanang mga indibidwal na nakararanas ng hirap nang dahil sa malalang sakit sa isip at sa kapansanang dulot ng pang-aabuso sa droga, alak, at iba pang sangkap
• Ipaglaban ang pagpopondo para sa pagsasanay ng pulisya, mga foot patrol (mga naglalakad sa paligid na mga pulis) ng komunidad, at pagkakaroon ng diversity o pagkakaiba-iba sa pag-eempleyo
• Mag-awtor ng batas upang mapigil ang pagtatayo ng dambuhalang mga bahay habang pinahihintulutan ang mga fourplex (gusaling may apat na yunit), at sa gayon, magawang mas abot-kaya ang pabahay sa karaniwang mga taga-San Francisco
Sa pamamagitan ng inyong boto, makagagawa tayo ng pag-unlad sa susunod na apat na taon sa pamamagitan ng:
• Pagkakaloob ng mas maawain na mga pamamaraan upang makaalis sa kalye ang mga indibidwal na walang tahanan, habang tinitiyak na magagamit ng lahat — at maipagmamalaki — ang mga pampublikong espasyo na nagagamit ng lahat
• Pagrereporma sa ating sistema ng pagpapatupad at pagpapanagot sa batas, at nang mabawasan ang bilang ng hindi makatarungang pagkakakulong samantalang pinananagot ang mga indibidwal na nagsasagawa ng krimen laban sa ari-arian at seryosong paglabag sa batas
• Pagpoprotekta sa karakter ng ating mga komunidad habang lumilikha ng mga oportunidad sa abot-kayang pabahay para sa kasalukuyan at bagong mga residente
Samahan kami sa pagsuporta kay Rafael para sa pagiging Superbisor!
Dating mga Superbisor ng Distrito 8: Mark Leno, Bevan Dufty, at Scott Wiener
San Francisco Labor Council
Sophie Constantinou, College Hill Neighborhood Association*
Meredith Dodson, SF Parent Coalition*
Dave Karraker at Terrance Alan, Castro Merchants Association*
Chris Keene, Friends of Slow Sanchez*
Carolyn Kenady, Dolores Heights Improvement Club*
Debra Niemann, Noe Valley Association*
Dan Slaughter, Mt. Olympus Neighborhood Association*
Janet Tarlov, Glen Park Business Owner*
Frank Tizedes, Duboce Triangle Neighborhood Association*
Stephen Torres, Castro LGBTQ Cultural District*
*Para lamang sa layunin ng identipikasyon
Rafaelmandelman.com
Rafael Mandelman
