Mga Kandidato para sa Board of Supervisors (Lupon ng mga Superbisor), Distrito 6

Hindi nagsusumite ang lahat ng kandidato ng pahayag ng mga kuwalipikasyon. Makikita ang kumpletong listahan ng mga kandidato sa halimbawang balota. Kusang-loob na ibinigay ng mga kandidato ang mga pahayag at hindi isiniyasat ng anumang opisyal na ahensiya para sa kawastuhan. Inilimbag ang mga pahayag gaya ng isinumite. Hindi iwinasto ang mga maling spelling o grammar mula sa bersiyong Ingles nito. Isinalin ito sa pinakamalapit, hangga't maaari, na orihinal na teksto.

MS BILLIE COOPER

Ang aking trabaho ay

Ang aking mga kuwalipikasyon ay:

Ako, si Ms Billie Cooper, ay tumatakbo para sa katungkulan na superbisor ng Distrito 6 ng San Francisco - 35 taon na akong stakeholder o may interes sa komunidad ng Distrito 6 - Isa akong Aktibista at Nag-aadbokasiya para sa komunidad - Tapat ako, at matagal na ring nakaalpas sa HIV+ 20 taon na akong nasa landas tungo sa paggaling Isa akong Beterano ng United States Navy Noon pa man ay tumitindig na ako bilang pakikiisa sa aking komunidad sa Distrito 6, at nagbibigay ng pagmamahal at suporta sa tuwing nagra-rally kami para sa Equity o Katarungan sa Pagpapapantay-pantay at Equality o Pagkakapantay-pantay para sa Lahat Isa rin ako sa mga Nakaalpas sa Kanser.

Ms Billie Cooper

MATT DORSEY

Ang aking trabaho ay Itinalagang Miyembro, Board of Supervisors.

Ang aking mga kuwalipikasyon ay:

Ang pagtatagpo ng mga nakabasag ng rekord na mga pagkamatay nang dahil sa overdose sa droga at ang sarili at personal kong paglalakbay upang makabangon mula sa adiksiyon sa droga ang nagtulak sa akin na hilingin kay Mayor London Breed na isaalang-alang ako upang maitalaga niya sa bakanteng posisyon sa Board of Supervisors noong Mayo.

Nananatiling personal na prayoridad para sa akin sa City Hall ang pagtupad ng pangako ng pagbangon para sa lahat ng nangangailangan nito. Naihanda na rin ako ng aking 30+ taong pagtatrabaho sa lokal na gobyerno, pagkakapantay-pantay para sa LGBTQ+, pag-aadbokasiya para sa HIV/AIDS, reporma sa pulisya, at pampublikong kaligtasan, at sa gayon ay patuloy na makapaglingkod bilang walang kinatatakutan at epektibong superbisor para sa Distrito 6.

• Nakikipaglaban ako para sa mas ligtas na lungsod at upang responsableng malutas ang ating problema sa kakulangan ng mga kawani sa pulisya — nang tumitindig sa walang pakundangang panawagan na tanggalan ng pondo ang SFPD, at maging sa pagbubuwag nito.

• Ipinagpapatuloy ko ang trabahong ginawa ko sa loob ng 14 taon habang nasa pangkat ako ng mga namumuno sa City Attorney’s Office (Opisina ng Abugado ng Lungsod) ng San Francisco — pagbibigay ng proteksiyon sa mga umuupa at pakikipaglaban para sa mga nagtatrabahong pamilya.

• Ipinaglalaban ko ang pag-amyenda sa tsarter ukol sa Affordable Homes Now (Abot-kayang Pabahay Ngayon) — at nang magawang mas simple ang produksiyon ng pabahay sa lahat ng antas ng kita, sa bawat komunidad ng San Francisco.

Ikinararangal kong ineendoso ako nina Mayor London Breed, Senador ng Estado Scott Wiener, Tesorero ng Estado Fiona Ma, dating Abugado ng Lungsod Dennis Herrera, at ng Nor Cal Carpenters Union, na ilan lamang sa marami pang iba.

Magalang ko pong hinihiling ang inyong boto.

Alamin pa ang tungkol dito sa https://www.mattdorsey.org.

Matt Dorsey

CHERELLE JACKSON

Ang aking trabaho ay Direktor ng Komunikasyon.

Ang aking mga kuwalipikasyon ay:

Pahayag ng mga Kuwalipikasyon ng Kandidato:

Ang aking mga kuwalipikasyon ay: Ang pangalan ko ay Cherelle Jackson. Ang aking misyon, at ang aking pananagutan ay nasa pagkatawan sa boses ng hindi lubusang napaglilingkuran at ng mga walang kapangyarihan. May pananagutan akong katawanin ang walang lakas at walang proteksiyon. Tumanggap ako ng Masters Degree sa Political Science, Public Policy, at Public Administration (Siyensiya ng Politika, Pampublikong Polisiya, at Pampublikong Pamamahala), kasama na ang aking Bachelor of Arts sa Psychology, Concentration Sociology (Sikolohiya na may Pagtutuon sa Sosyolohiya). Nakapaglingkod na ako bilang aktibista ng komunidad para sa walang kapangyarihan at hindi lubusang napaglilingkuran na mga komunidad. Nagkaroon na ako ng pribilehiyong makatrabaho ang matatanda, mga beterano, at mga indibidwal na nakararanas ng kawalan ng tahanan. Nakapaglingkod na ako bilang edukador na nakikipagtrabaho sa iba’t ibang populasyon ng mga estudyante, kasama na ang mga imigrante. Ehekutibong prodyuser din ako para sa Rose Milk Podcast. Isa akong awtor. Influencer of the Year (Maimpluwensiyang Indibidwal ng Taon) ako noong 2020-2021 para sa International Association of Women (Pandaigdigang Asosasyon ng Kababaihan). Direktor ng Komunikasyon para sa Justice Equity Inclusion Committee (Komite para sa Hustisya, Katarungan sa Pagkakapantay-pantay, at Pagsasama sa Lahat). Kasamang Tagapangulo ng Workers with Disabilities Committee (Komite para sa mga Manggagawang May Kapansanan), miyembro ng komite na LQBTQIA+ Lavendar, at komite ng Kababaihan. Nasa Nangungunang 5 ako sa aking pangkat para sa Jet Set Magazine. Naglingkod ako bilang essential worker (nagtatrabaho sa industriyang mahalaga sa pagpapatuloy ng kritikal na mga gawain) sa panahon ng pandemya, naging pangunahing tagapagsalita, at kasama sa lupon ng mga tagapagsalita, sumusuporta sa maliliit na negosyo, at patuloy na nagtatakda ng kalidad o pakiramdam, at pamantayan para sa umuunlad na kababaihan, at sa lahat ng komunidad. Sama-sama nating ibabalik ang ating mga komunidad, magkakaroon ng layunin patungkol sa trabahong gagawin, at mamumuno nang may kaluwagan ng loob.

Cherelle Jackson

HONEY MAHOGANY

Ang aking trabaho ay Social Worker.

Ang aking mga kuwalipikasyon ay:

ITIGIL ANG KRIMEN

Lumaki ako sa San Francisco sa pamilya ng mga imigranteng Aprikano, at alam ko kung ano ang pakiramdam ng kawalang kaligtasan sa ating lungsod. Nangangako ako na puspusan akong makikipaglaban upang matiyak na ligtas ang ating mga kalye at haharap sa mga konsekuwensiya ang mga indibidwal na gagawa ng krimen.

TOUGH LOVE (paghihikayat ng pagtulong sa sarili)

Mayroon akong Master’s sa Social Work mula sa Berkeley, at sa loob ng 20 taon, nakipagtrabaho upang maalis mula sa kalye ang mga indibidwal na walang tahanan, matigil sa bisyo ang mga indibidwal na may adiksiyon, at mapaako ng responsibilidad ang mga indibidwal na nakagawa ng krimen.

PAGTATAYO NG PABAHAY

Itigil na natin ang mga pagtatalo ukol sa pabahay at itayo na lamang natin ang mga ito. May tunay na karanasan ako sa pagtatayo ng pabahay sa lahat ng antas. Bilang Chief of Staff (Pinuno ng mga Kawani) ni Superbisor Matt Haney, pinamahalaan ko ang pag-apruba sa 9000+ yunit ng pabahay sa Distrito 6...na higit pa sa lahat ng pinagsama nang distrito.

PAGIGING INDEPENDIYENTE

Maraming taon na ang naging karanasan ko sa City Hall, pero hindi ako bahagi ng anumang paksiyon sa politika. Naniniwala ako sa magalang na pakikipagkomunikasyon, pagkakaroon ng mga tulay, at pag-abot sa nasa kabilang panig. At tumatanggi akong maging yes man o tagasunod lamang sa gobyernong hindi ginagawa ang trabaho nito...kung minsan, kailangan din ng mga Departamento ng Lungsod ng tough love.

MGA PAG-EENDOSO

Miyembro ng Asembleya Matt Haney

Presidente ng Board of Supervisors Shammon Walton

Superbisor Myrna Melgar

Superbisor Gordon Mar

Direktor ng Bart Janice Li

Direktor ng Bart Devan Dufty

Katiwala ng Lupon ng City College Shanell Williams

San Francisco Teachers (UESF)

Honey Mahogany