Mga Kandidato para sa Board of Supervisors (Lupon ng mga Superbisor), Distrito 10

Hindi nagsusumite ang lahat ng kandidato ng pahayag ng mga kuwalipikasyon. Makikita ang kumpletong listahan ng mga kandidato sa halimbawang balota. Kusang-loob na ibinigay ng mga kandidato ang mga pahayag at hindi isiniyasat ng anumang opisyal na ahensiya para sa kawastuhan. Inilimbag ang mga pahayag gaya ng isinumite. Hindi iwinasto ang mga maling spelling o grammar mula sa bersiyong Ingles nito. Isinalin ito sa pinakamalapit, hangga't maaari, na orihinal na teksto.

BRIAN SAM ADAM

Ang aking trabaho ay Manunulat ng Sulating Teknikal.

Ang aking mga kuwalipikasyon ay:

7 taon na akong nasa larangan ng teknolohiya at halos dalawang taon nang nasa Lungsod at County ng San Francisco. Nakipagtrabaho na ako sa mga pangkat na may pagkakaiba-iba o diverse, at nang masuri at malutas ang mga problema. Kasabay nito, hindi ko nakalimutan ang aking mga katrabaho. Nang magsagawa kami ng mga pagpapahusay, pangunahin sa aming isipan ang kanilang mga pamilya, kalusugan, at kaligtasan.

Ako ang tamang pagsasama ng kaalaman at enerhiya na makapagdadala ng kalinawan sa Distrito 10. Sa pagtatrabaho sa Lungsod, marami na akong nakitang kabutihan, pero marami rin akong natutunan tungkol sa mga kakulangan nito. Sa ulat noong 2008-2009, itinampok ang potensiyal na korupsiyon at kakulangan ng kompetisyon mula sa mga organisasyong nonprofit na nakikipagtrabaho sa Lungsod. Dinetalye ng ulat noong 2016 ang mga panloloob sa kotse sa Embarcadero at sa kabuuan ng Lungsod. Handa na ang mga indibidwal na magturo sa kung sino-sino, ngunit hindi para magharap ng mga solusyon. Itinampok ng ulat noong 2020 ang mga oportunidad upang mabawasan ang krimen sa pamamagitan ng paglilipat sa pulisya sa iba’t ibang distrito. Walang pulis na nailipat!

Pakikinggan ng matagumpay na superbisor ang mga residente ng kanyang distrito at lulutasin ang mga problema; tutulong upang higit na maging mas mabuti sa kalikasan at mas magaganda ang mga komunidad; pauunlarin ang San Francisco — bilang lungsod kung saan puwede kang magkaroon ng pamilya! Ibinabasura natin ang hindi na gumagana. Itinatanghal natin ang gumagana. Ako ang siyang makikinig, masipag na magtatrabaho araw-araw, at maghahatid ng mga resulta.

Brian Sam Adam

SHAMANN WALTON

Ang aking trabaho ay Presidente ng Board of Supervisors ng San Francisco.

Ang aking mga kuwalipikasyon ay:

Bilang pinaka-unang Itim na lalaki na naglilingkod bilang Presidente ng Board of Supervisors, puspusan na akong nakikipaglaban upang matiyak na may boses sa City Hall ang ating bulnerable o walang lakas na mga kapitbahay at nagtatrabahong mga pamilya. Bilang inyong Superbisor, patuloy akong maghahatid ng mga rekurso upang mapaghusay ang ating mga komunidad at mapaglingkuran ang bawat taga-San Francisco.

Naniniwala akong karapat-dapat ang bawat isa na magkaroon ng matatag na kita, malinis at ligtas na komunidad, at matitirhan na abot-kaya. Iyan ang dahilan kung bakit namuno na ako sa mahihirap na usapin na makagagawa ng tunay na epekto sa buhay ng mga taga-San Francisco. Natiyak ko ang pagkakaroon ng mahigit $20 milyon na tulong sa upa sa bahay (rent relief) at abot-kayang pabahay, napamunuan ang paglikha ng Dream Keeper Initiative (Inisyatibang Nakatuon sa Pagsuporta sa mga Aprikano Amerikano) upang muling maipamuhunan ang $120 milyon sa komunidad ng mga Itim sa ating lungsod, nakipagtunggali upang malabanan ang mga krimeng ibinubunsod ng pagkasuklam sa AAPI, at namagitan sa proseso ng muling pagbubukas ng mga paaralan sa panahon ng pandemya.

Ipinanganak ako sa San Francisco, at lumaki sa pampublikong pabahay sa Bayview at sa Potrero Hill. Nakapagtrabaho na ako sa Distrito 10 sa loob ng ilang dekada, at dati nang naglingkod sa Board of Education ng San Francisco at bilang Ehekutibong Direktor ng Young Community Developers.

Kabilang sa aking mga taga-suporta sina/ang:

Senador Scott Wiener

Mga Miyembro ng Asembleya: Phil Ting, Matt Haney

Mga Superbisor: Connie Chan, Catherine Stefani, Aaron Peskin, Gordon Mar, Dean Preston, Myrna Melga, Rafael Mandelman, Hillary Ronen, Ahsha Safai

Pampublikong Tagapagtanggol Mano Raju

Tagatasa-Tagatala Joaquín Torres

Honey Mahogany

Direktor ng BART Bevan Dufty

Mga Katiwala ng City College: Aliya Chisti, Alan Wong

San Francisco Labor Council

United Educators of San Francisco

SEIU 1021

IFPTE Lokal 21

https://shamannwalton.com/

Shamann Walton