Mga Kandidato para sa Asembleya ng Estado, Distrito 17

Hindi nagsusumite ang lahat ng kandidato ng pahayag ng mga kuwalipikasyon. Makikita ang kumpletong listahan ng mga kandidato sa halimbawang balota. Kusang-loob na ibinigay ng mga kandidato ang mga pahayag at hindi isiniyasat ng anumang opisyal na ahensiya para sa kawastuhan. Inilimbag ang mga pahayag gaya ng isinumite. Hindi iwinasto ang mga maling spelling o grammar mula sa bersiyong Ingles nito. Isinalin ito sa pinakamalapit, hangga't maaari, na orihinal na teksto.

DAVID CAMPOS

Ang aking trabaho ay Abugado para sa mga Karapatang Sibil.

Ang aking mga kuwalipikasyon ay:

Ako ang kandidatong walang kaugnayan sa mga korporasyon, at nakikipaglaban ako para sa ekonomiyang gumagana para sa lahat dahil sawa na tayo sa mga napakong pangako.Panahon na para sa mga resulta.

Samahan kami at tumindig laban sa malalaking korporasyon at mga bilyonaryo upang magawa natin na:

• Itaas ang minimum wage o pinakamababa na pinahihintulutang sahod tungo sa sahod na sapat para mabuhay.

• Maging abot-kaya ang pangangalaga sa kalusugan sa pamamagitan ng Medicare for All.

• Tiyaking ginagawa ng buong estado ang bahagi nito upang masakop ang mga gastos nang dahil sa kawalan ng tahanan.

• Pagbayarin ang mga bilyonaryo ng kanilang makatwirang bahagi ng gastos – upang mas kaunti ang kinakailangang bayaran ng nagtatrabahong mga pamilya.

• Huwag pahintulutan ang kontribusyon ng mga korporasyon sa mga kampanya.

• Babaan ang singil sa mga pampublikong serbisyo na tulad ng koryente, tubig at gas, at lumikha ng mga trabaho para sa panggitnang uri, sa pamamagitan ng Green New Deal.

• Pababain ang bilang ng krimen sa pamamagitan ng pagpapababa rin sa bilang ng nakararanas ng kahirapan at sa paggamot sa kalusugan ng isip at pang-aabuso sa droga at iba pang sangkap.

Dumating ako sa bansang ito bilang Dreamer sa pamamagitan ng pagtawid sa border, habang pasan-pasan sa likod ang aking kapatid na babae.Natuto ako ng Ingles sa mga pampublikong paaralan.Nakakuha ako ng mga iskolarship sa Standford at sa Harvard Law.Naging bukas ako tungkol sa aking pagkatao sa mga pamilya at kaibigan.Bilang Superbisor ng Distrito 9, naipanalo ko ang mahahalagang labanan upang makapagkaloob ng pangangalaga sa kalusugan para sa lahat at mailigtas ang St.Luke’s Hospital.Nakipaglaban ako tungo sa pantay na sahod para sa kababaihan, pagtatayo ng abot-kayang pabahay, pagpasa sa mas matitibay na proteksiyon laban sa pagpapaalis sa tahanan, at naipanalo ko ang pagkakaroong muli ng nawalang sahod at benepisyo ng mga manggagawa.

Bilang progresibong lider, nakipaglaban ako upang matalo si Donald Trump, maprotektahan ang karapatan ng kababaihang magpasya para sa sarili, at mapagbayad ang pinakamayayamang korporasyon ng kanilang makatarungang bahagi upang mabigyan natin ng pabahay ang mga walang tahanan.

Kasama sa mga taga-suporta ko ang/sina:

Mga guro sa klasrum ng San Francisco - United Educators of San Francisco (Nagkakaisang mga Edukador ng San Francisco)

National Union of Healthcare Workers (Pambansang Unyon ng mga Manggagawa para sa Pangangalagang Pangkalusugan)

Mga frontline worker (nagtatrabaho sa mahahalagang industriya) sa hospitality (hotel, restawran, turismo, at iba pa) - UNITE HERE! Lokal 2

TWU Lokal 250A

Ang Sierra Club

Harvey Milk LGBT Democratic Club (Harvey Milk na Samahang Demokratiko na LGBT )

San Francisco Latinx Democratic Club (Samahan ng mga Demokratikong Latinx sa San Francisco)

Rose Pak Democratic Club (Rose Pak na Samahang Demokratiko)

Mark Leno

Phil Ting

Tom Ammiano

Sophie Maxwell

Rafael Mandelman

Hillary Ronen

Connie Chan

Bevan Dufty

Samahan kami sa: www.CamposforUs.com

David Campos

MATT HANEY

Ang aking trabaho ay Superbisor, Lungsod at County ng San Francisco.

Ang aking mga kuwalipikasyon ay:

Bilang Superbisor ng San Francisco, abugado para sa pagtatanggol ng mga pinaaalis sa tahanan, at edukador, nakapaghatid na ako ng progresibo at praktikal na mga solusyon sa pinakamahihirap na hamon sa San Francisco.Naipaglaban ko na ang ginagarantiyahang pangangalaga sa kalusugan ng isip para sa lahat, mga banyong magagamit nang 24 oras, 5,000+ bagong unit na pabahay sa aking distrito, at napamahalaan ang pamumuhunan, na higit sa anumang panahon, para sa pabahay, pampublikong kaligtasan, at pagbangon ng ekonomiya, bilang Tagapangulo ng Badyet.

Nang maganap ang pandemya, naging awtor ako ng lehislasyon upang mabigyan ng pabahay ang 2,000+ katao na nakararanas ng kawalan ng tahanan, nagtrabaho nang may shifts o takdang panahon sa COVID shelter hotel sa panahon na may kakulangan sa kawani, naghatid ng mga lugar para sa maramihang pagpapabakuna sa kabuuan ng lungsod, at naglunsad ng mga programa para sa pagbibigay ng ayuda upang mailigtas ang ating pinakamamahal na maliliit na negosyo.

Tumatakbo ako para sa Asembleya ng Estado dahil kailangan natin ng mapangahas at epektibong pamumuno upang maharap ang hindi abot-kayang halaga ng pabahay, krisis sa kawalan ng tahanan, at pagbabago ng klima.

Mga prayoridad:

• Magtayo ng 100,000 bagong unit ng pabahay sa San Francisco sa loob ng susunod na 10 taon upang magawang abot-kaya ng lahat ang pabahay.

• Palawakin ang supportive housing (pabahay na nagbibigay ng suporta) at pangangalaga sa kalusugan ng isip, at nang magkaroon ng malaking pagbabawas sa paninirahan sa kalye dahil sa kawalan ng tahanan.

• Harapin ang pagbabago ng klima sa pamamagitan ng pamumuhunan sa kabuuan ng estado sa enerhiyang renewable (napananatili) at transportasyong naipagpapatuloy.

• Pagbayarin ng kanilang makatarungang bahagi ang malalaking korporasyon at CEO na kumita ng bilyon-bilyon sa panahon ng pandemya.

• Pondohan nang lubos ang mga pampublikong paaralan at unibersidad ng California.

• Protektahan ang mga karapatan ng LGBTQ+, karapatang sibil, at karapatan ng kababaihan na inaatake ng mga pambansang Republikano.

• Suportahan ang community policing (pagpapatakbo ng pulisya nang may pakikipagtulungan sa komunidad), patigilin ang mga krimen na bunga ng anti-Asian Hate (Pagkasuklam sa mga Asyano), at tanggalin ang mga baril mula sa ating mga kalye.

Inendoso ako ng dose-dosenang lider at organisasyon, kasama na sina/ang:

• Attorney General (Pangkalahatang Abugado) Rob Bonta

• California Professional Firefighters (Mga Propesyonal na Bumbero ng California)

• California School Employees Association (Asosasyon ng mga Empleyado ng mga Paaralan ng California)

• California Faculty Association (Asosasyon ng mga Guro ng California)

• California Pediatricians’ Association

• SEIU California

• SEIU United Health Care Workers (Nagkakaisang mga Kawani sa Pangangalaga ng Kalusugan ng SEIU)

• Chinese American Democratic Club (Demokratikong Samahan ng mga Tsino Amerikano)

• San Francisco Doctors (Mga Doktor ng San Francisco)

• Presidente ng Board of Supervisors (Lupon ng mga Superbisor) Shamann Walton

• Tagapangulo ng SF Democratic Party (Partido Demokratiko) Honey Mahogany

• Tagapangulo ng Asian Pacific Islander Caucus (Pulong ng mga Asyanong taga- Isla Pasipiko) Senador Richard Pan

• Tagapangulo ng Progressive Caucus (Pulong ng mga Progresibo) Miyembro ng Asembleya Ash Kalra

• Tagapangulo ng Housing Committee (Komite sa Pabahay) Miyembro ng Asembleya Buffy Wicks

• Sheriff Paul Miyamoto

• Miyembro ng Lupon ng BART Lateefah Simon

• Komisyoner ng Pulisya Larry Yee

• League of Pissed Off Voters (Liga ng mga Nagagalit na Botante) (dalawang pag-endoso)

MattHaney.com

Matt Haney

THEA SELBY

Ang aking trabaho ay Miyembro, City College of San Francisco Board of Trustees (Lupon ng Mga Katiwala ng Kolehiyo ng Lungsod ng San Francisco).

Ang aking mga kuwalipikasyon ay:

Karapat-dapat na magkaroon ang mga pamilya ng San Francisco ng pananagutan na pragmatikong progresibo lamang ang makapaghahatid sa kanila.

Dalawang termino na akong naglingkod sa SF City College Board of Trustees.Natanggal ko na ang milyon-milyong pagkakautang, nabalanse ang badyet, natiyak ang akreditasyon, at naipatupad ang inobatibong programa na Free City.

Tagapagtatag na miyembro ako ng San Francisco Transit Riders (Mga Sumasakay sa Pampublikong Transportasyon sa San Francisco).Matapos ang dalawang pagpatay sa aking bloke, itinatag ko ang Lower Haight Merchants & Neighbors Association (Asosasyon ng mga Negosyante at Magkakapitbahay sa Lower Haight).Kinakailangang magsama-sama tayo upang magawa nating mas malinis at mas ligtas ang mga kalye para sa lahat.

Kababaihan ang bumubuo ng 50% ng populasyon ng California, pero 30% lamang ng Asembleya.Sa loob ng 20 taon, hindi nahawakan ng babae ang katungkulang ito.Kahiya-hiya ito, lalo na at nakahanda na ang Korte Suprema na baligtarin ang hatol sa Roe v.Wade, at bumabangon pa lamang ang kababaihan mula sa mga bigwas sa ekonomiyang dulot ng pandemya.Kailangang magpadala ang California at ang San Francisco ng malakas na mensahe na hindi mapag-iiwanan ang kababaihan.

Bilang inyong Miyembro ng Asembleya, pagsasamahin ko ang aking pagpapahalaga sa mga progresibong ideya at ang aking rekord ng pagkakaroon ng pragmatikong pananagutan, at nang maisakatuparan ko ang malalaking bagay para sa ating lungsod at estado, tulad ng abot-kayang pabahay, nagagamit ng lahat na transportasyon, ligtas na mga kalye at komunidad, at panggitnang uri na nakakaabante.

Ipinagmamalaki ko na ineendoso ako nina Tesorero ng Estado Fiona Ma, dating Superintendente ng Pampublikong Instruksiyon Delaine Eastin, Dating Katiwala ng CCSF at Lider ng mga Filipino Rodel Rodis, Mayor ng Oakland Libby Schaaf, Tagapangulo ng Lupon ng San Francisco Municipal Transportation Agency (Ahensiya para sa Munisipal na Transportasyon, SFMTA) Gwyneth Borden, at retirado na Punong Football Coach ng CCSF George Rush.

Hinihingi ko po ang inyong boto.

Alamin pa ang tungkol dito sa theaselby.org

Thea Selby