Katungkulan sa Lungsod at County ng San Francisco na Pagbobotohan sa Eleksyong Ito

City Attorney (Abugado ng Lungsod)

Ang City Attorney ang abugado para sa Lungsod at County ng San Francisco sa lahat ng asuntong sibil. Naglilingkod ang City Attorney bilang tagapayo sa batas sa Mayor, sa Board of Supervisors (Lupon ng mga Superbisor), at sa iba pang hinalal na opisyal, pati na rin sa humigit kumulang na 100 na departamento, lupon, komisyon at tanggapan na bumubuo sa gobyerno ng Lungsod at County ng San Francisco. Ang City Attorney ang naghahanda o nag-aapruba ng kaanyuan ng lahat ng batas, kontrata, bond (utang ng gobyerno) ng Lungsod, at anupamang ibang dokumentong legal na may kinalaman sa Lungsod. Ang buong termino ng panunungkulan ng City Attorney ay apat na taon at may kasalukuyang sahod na $294,736 kada taon. Nasa balota ang labanan na ito dahil sa pagkakabakante ng katungkulan noong 2021. Pipiliin ng mga botante sa eleksyong ito ang kandidato na magsisilbi hanggang sa simula ng susunod na termino sa Enero 2024, at makikita muli ang labanang ito sa Nobyembre 2023 na balota.