Ang aking trabaho ay Assessor-Recorder.
Ang aking mga kuwalipikasyon ay:
Magmula noong nahalal ako, masipag na akong nagtrabaho upang matiyak na nagkakaloob ang opisina ng Assessor (Tagatasa) ng mataas ang kalidad na mga serbisyong inaasahan ng mga residente at negosyo, at mabigyan ng seguridad ang pinansiyal na mga rekursong nagpopondo sa mga serbisyo ng ating lungsod.
Upang mapaghusay ang paggamit sa internet, nag-upload kami ng 3.7 milyon na karagdagang rekord, kung kaya’t napalawak ang paggamit sa mga dokumento na mula pa noong 1980.
Upang higit na mapaglingkuran ang publiko, makapagkaloob ng kabukasan sa pagsisiyasat, at mabawasan ang pagsasapanganib sa kita, naglunsad ang aming opisina ng mga pagpapahusay sa teknolohiya at portal para sa komunidad upang makita nila ang mga pagtatasa.
Tinitiyak ng aming transfer tax audit program (programa para sa pag-o-audit ng buwis sa paglilipat ng ari-arian) na nagbabayad ang malalaking korporasyon ng kanilang makatwirang bahagi, kung kaya’t napanunumbalik ang milyon-milyong dolyar taon-taon.
Upang higit pang magkaroon ng katatagan sa pananalapi ang mga komunidad na mababa at katamtaman ang kita, at ang mga pamilyang iisa ang wikang sinasalita at imigrante, pinalawak namin ang online na pang-edukasyong mga rekurso sa pamamagitan ng Family Wealth Series.
Upang matulungan ang Itim, kayumanggi, at AAPI na mga komunidad na napinsala nang dahil sa kasaysayan ng pagsosona at sa diskriminasyon sa pagpapautang, nilikha ng aming opisina ang Estate Plan Program, na nagkakaloob ng 100 libre hanggang murang plano sa mga komunidad na hindi lubusang napaglilingkuran, at sa gayon, matulungan ang mga residenteng magkaroon ng pag-aari at ari-arian na magtatagal nang hene-henerasyon.
Hinihiling ko ang inyong boto upang patuloy na mapaglingkuran ang mga mamamayan ng San Francisco, matiyak ang de-kalidad na serbisyo sa mga kostumer, at higit pang magkaroon ng kabukasan sa pagsisiyasat, integridad, at katarungan sa pagkakapantay-pantay.
Ineendoso ako nina:
Tagapagsalita Nancy Pelosi
Senador ng U.S. Dianne Feinstein
Gobernador Gavin Newsom
Tesorero ng Estado Fiona Ma
Mayor London Breed
Senador Scott Wiener
Miyembro ng Asembleya Phil Ting
Presidente ng Board of Supervisors Shamann Walton
www.JoaquínTorresSF.com
Joaquín Torres
