Impormasyon tungkol sa Kandidato

Abiso tungkol sa mga Pahayag ng mga Kuwalipikasyon ng Kandidato 

Hindi nagsusumite ang lahat ng kandidato ng mga pahayag tungkol sa kanilang mga kuwalipikasyon. Makikita ang kompletong listahan ng mga kandidato sa halimbawang balota, na matatagpuan sa Ingles na bersiyon ng pamplet na ito, na ipinadala sa lahat ng rehistradong botante. Para mahanap ang halimbawang balota, tingnan ang talaan ng mga nilalaman (table of contents). 

Ang bawat pahayag tungkol sa mga kuwalipikasyon ng mga kandidato, kung mayroon man, ay kusang-loob na ibinigay ng kandidato at ang pagpapalimbag nito, para sa ilang katungkulan, ay gastos ng kandidato.

Maaari ninyong mahanap ang impormasyon tungkol sa mga kandidato sa:

• Website ng Kalihim ng Estado ng California, voterguide.sos.ca.gov: mga kandidato sa Pagkapangulo

• Pamplet ng Impormasyon para sa Botante ng San Francisco (ang gabay na ito): mga kandidato para sa Kapulungan ng mga Kinatawan ng Estados Unidos, Senador ng Estado (kung elihibleng mag-sumite; tingnan sa ibaba), Asembleya ng Estado (kung elihibleng mag-sumite; tingnan sa ibaba), Hukom ng Korte Superyor

Ang mga kandidato para sa sentral na komite o konseho ng county ng politikal na partido ay hindi elihibleng magsumite ng pahayag ng mga kuwalipikasyon para sa paglalathala. 

Boluntaryong Limitasyon sa Paggastos at Mga Pahayag sa Kampanya ng mga Kandidato sa Lehislatura ng Estado 

Noong Nobyembre 2000, inaprubahan ang Proposisyon 34 ng mga botante ng California, kung saan nakasaad na kapag tinanggap ng isang kandidato para sa Senado o Asembleya ng Estado ang mga boluntaryong limitasyon sa paggastos sa kampanya na tinutukoy ng Section 85400 ng California Government Code, maaaring bumili ng espasyo ang kandidato para mailagay ang Pahayag ng Kandidato sa Pamplet ng Impormasyon para sa Botante.

Ang mga kandidato sa lehislatura na tinanggap ang mga boluntaryong limitasyon sa paggastos sa kampanya, at dahil dito ay kuwalipikadong magsumite ng pahayag ng kandidato para sa

Pinagsamang Primaryang Eleksyon para sa Pagkapangulo sa Marso 3, 2020, ay sina:

Senador ng Estado, Distrito 11
Jackie Fielder

Miyembro ng Asembleya ng Estado, Distrito 17
David Chiu

Miyembro ng Asembleya ng Estado, Distrito 19
John P. McDonnell
Phil Ting

Mga Pag-Endorso ng Partido

Pinapayagan ng batas ng Estado ang mga partidong politikal na mag-endorso ng mga kandidato para sa mga katungkulang nominado ng botante. Ang mga pag-endorso ng partidong natanggap ng Departamento ng mga Eleksyon sa deadline ng pagsusumite ay ang mga sumusunod:

Kinatawan ng Estados Unidos, Distrito 12
Partidong Demokratiko: Nancy Pelosi

Kinatawan ng Estados Unidos, Distrito 14
Partidong Demokratiko: Jackie Speier
Partidong Republikano: Ran S. Petel

Senador ng Estado, Distrito 11
Partidong Demokratiko: Scott Wiener

Miyembro ng Asembleya ng Estado, Distrito 17
Partidong Demokratiko: David Chiu

Miyembro ng Asembleya ng Estado, Distrito 19
Partidong Demokratiko: Phil Ting